თბილისი, 6 აგვისტო – Sputnik. ნინოწმინდაში მომხდარ ავტოსაგზაო შემთხვევას ორი ახალგაზრდა მამაკაცი ემსხვერპლა, იუწყება ქართული მედია.
გავრცელებული ინფორმაციით, ერთმანეთს „ფოლკსვაგენისა“ და „ფორდ ტრანზიტის“ ავტომობილები შეეჯახნენ.
ახალგაზრდები შემთხვევის ადგილზე გარდაიცვალა, კიდევ ერთი დაშავებული კი სასწრაფო სამედიცინო დახმარების ბრიგადამ ნინოწმინდის საავადმყოფოში გადაიყვანა.
მომხდარზე გამოძიება სისხლის სამართლის კოდექსის 276-ე მუხლის მე-6 ნაწილით მიმდინარეობს.
