თბილისი, 2 აგვისტო — Sputnik. ხორვატიის დედაქალაქ ზაგრებში ხუთშაბათს, საღამოს ექვსი ადამიანი ჩაცხრილული იპოვეს, იუწყება „Sputnik–ბელარუსი".
სროლა კაიზერიცას რაიონში დაახლოებით 21:30 საათზე მოხდა. დაიღუპა ექვსი ადამიანი, მათ შორის, არაოფიციალური ინფორმაციით, ოთხი ბავშვია.
სიკვდილს მხოლოდ შვიდი თვის ჩვილი გადაურჩა, რომელიც სხვადასხვა ჭრილობებით საავადმყოფოშია გადაყვანილი.
წინასწარი ინფორმაციით, მკვლელობა მამაკაცმა ჩაიდინა, რის შემდეგაც დანაშაულის ადგილი დატოვა.
დანაშაულის მოტივი ყოფილი ცოლისა და მისი ახალი პარტნიორის მიმართ მკვლელის ეჭვიანობაა.
დამნაშავეს პოლიცია ეძებს.
