თბილისი, 25 ივლისი — Sputnik. ქართველმა მაშველებმა თბილისის ერთ-ერთ კლინიკაში რუსი ტურისტი ქალი მიიყვანეს, რომელიც ჯუთაში დაშავდა, ნათქვამია საგანგებო სიტუაციების მართვის სამსახურის განცხადებაში.
„112"-ში შევიდა ინფორმაცია, რომ ყაზბეგში დაშავდა ტურისტი, რომელიც მიღებული ფიზიკური დაზიანებების გამო გზის გაგრძელებას ვერ ახერხებდა.
შემთხვევის ადგილზე მაშველთა ჯგუფი გაემგზავრა, რომელთაც ადგილზე დახვდათ რუსეთის მოქალაქეებისგან შემდგარი 4-კაციანი ტურისტული ჯგუფი, რომელთა შორის ერთ-ერთ ქალბატონს ტრამვა ჰქონდა მიღებული.
მაშველებმა ტურისტი შინაგან საქმეთა სამინისტროს სასაზღვრო პოლიციის ვერტმფრენის საშუალებით თბილისში, ღუდუშაურის კლინიკაში გადაიყვანეს, სადაც შესაბამისი მკურნალობა უტარდება.
