ქართული „სუფრა" და მრავალხმიანობა გერმანიაში

გამოწერა
ფესტივალის მიზანი ქართულ-გერმანული ურთიერთობების განვითარებაა.

თბილისი, 22 ივლისი — Sputnik. გერმანიაში ქართულ-გერმანული ფესტივალი „სუფრა" ტარდება, რომელმაც სტარტი 19 ივლისს აიღო და 28 ივლისამდე გაგრძელდება, იუწყება საზოგადოებრივი მაუწყებლის პირველი არხი.

მუსიკოსი გიტარაზე უკრავს - Sputnik საქართველო
ამერიკული ბლუზის ლეგენდა კრის კეინი კახეთში ბლუზის ფესტივალს გახსნის

ფესტივალის ფარგლებში ტარდება სხვადასხვა ღონისძიებები, მათ შორის, რეჟისორ ნანა ექვთიმიშვილის სრულმეტრაჟიანი ფილმის „გრძელი ნათელი დღეების" ჩვენება.

სტუმრები ქართულ სულს შეიგრძნობენ ანსამბლ „ქალაუს" მიერ შესრულებული ფოლკლორული სიმღერებითა და ცეკვებით, ახალგაზრდა სტრიტ-არტისტი მიშიკო სულაკაური კი ჰამბურგში თუშური კედლის ინსტალაციას შექმნის.

გარდა ამისა, ღონისძიების სტუმრები ქართულ სამზარეულოს გაეცნობიან.

ფესტივალი დასრულდება პერფორმანსით „სუფრა", რომელიც ფესტივალის ყველა მონაწილეს გააერთიანებს. მონაწილეები გერმანულად წაიკითხავენ თანამედროვე ქართველი პოეტის გიორგი გამსახურდიას ლექსებს.

ყველა ახალი ამბავი
0