თბილისი, 19 ივლისი — Sputnik. ჟურნალისტი გიორგი ცხვიტავა ტელეკომპანია „იმედის” აღმასრულებელ დირექტორად დაინიშნა, ინფორმაციას თავად ჟურნალისტი ადასტურებს ქართულ მედიასთან საუბარში.
გიორგი ცხვიტავა ბოლოს საზოგადოებრივი მაუწყებლის გადაცემა „ახალი კვირაში“ ჟურნალისტად მუშაობდა.
გარდა ამისა, საჯარო რეესტრის მონაცემებით, 5 ივლისს შეიცვალა ტელეკომპანიის გენერალური დირექტორიც და გიორგი ბახტაძე, რომელიც ამ თანამდებობას იკავებდა, ელდარ მდინარაძემ ჩაანაცვლა. მდინარაძე 1990-იანი წლების მიწურულს ბიძინა ივანიშვილის „მე-9 არხის“ ერთ-ერთ ხელმძღვანელად მუშაობდა. აღნიშნული ტელეარხი ბიძინა ივანიშვილმა ვარდების რევოლუციის შემდეგ დახურა.
2003-2005 წლებში ელდარ მდინარაძე ტელეკომპანია „მზის“ გენერალური დირექტორი იყო.