Праздничное оформление - Sputnik საქართველო
ყვითელი ამბები
სელებრითების ცხოვრება საზოგადოების საყვარელი თემაა. ქართველი და უცხოელი ცნობადი სახეების ცხოვრება, სასიყვარულო ისტორიები, ჩაცმის სტილი მუდმივი განხილვის საგანია. სელებრითების შესახებ ახალ ამბებს გაეცანით Sputnik საქართველოს ვებგვერდზე

„მინდოდა ბავშვის სქესი დამემალა, სახლში რომ მოვიდა, რაღაცნაირად მექცეოდა...“ – არეშიძე

© photo : Anouki Areshidze / FBანუკი არეშიძე
ანუკი არეშიძე - Sputnik საქართველო
გამოწერა
დიზაინერი ანუკი არეშიძე შვილებთან ურთიერთობაზე საუბრობს და ამბობს, რომ მკაცრი დედაა.

დიზაინერი ანუკი არეშიძე შვილებზე საუბრობს. როგორც გადაცემა „სთორიში“ დიზაინერმა განაცხადა, ბავშვებმა მისი ორსულობის შესახებ გაიგეს, როცა მეექვსე თვეში იყო. თუმცა სქესს ყველას უმალავდნენ.

„მინდოდა, რომ კახასთვის დამემალა. ისე მოხდა, რომ ექიმმა კახას დაურეკა და უთხრა, ყველაფერი კარგად არის და გილოცავთ, ესეც ბიჭიაო. სახლში რომ მოვიდა, რაღაცნაირად მექცეოდა, და მივხვდი, რომ ექიმს ჰქონდა დარეკილი, რადგან იმ დღეს მეილზე პასუხს ველოდი. არადა ერთმანეთს პირობა მივეცით, რომ სქესს არ გავიგებდით", – იხსენებს ანუკი არეშიძე.

მისი თქმით, მისმა მესამე ვაჟმა ვაჩემ დღემდე ვერ აღიქვა, რომ ნიკოლა მისი ძმაა.

ანუკი არეშიძე - Sputnik საქართველო
„ვკითხულობ და ცრემლები მომდის“ – რამ აატირა ანუკი არეშიძე

„მეუბნება ხოლმე, შენი ბავშვი ტირის და მიხედეო. უფროსი ორი ძალიან გახარებული იყვნენ“, – ამბობს ანუკი არეშიძე.

დიზაინერის თქმით, მკაცრი დედაა. მის შვილებს ძვირადღირებული ტელეფონები არ აქვთ და არც ინტერნეტით სარგებლობენ, შესაბამისად, არც სოციალური ქსელებით.

„საღამოს 8 საათზე იძინებენ. სკოლაში წყნეთიდან დიდ დიღომში დადიან და გზაში 40 წუთი მაინც უნდათ, ამიტომ ადრე დგებიან. მინიმუმ 11 საათი სძინავთ და ამას არ აპროტესტებენ“, – ამბობს დიზაინერი.

„ჩემი გულის დედოფალო...“ – კახა კალაძე ანუკი არეშიძეს დაბადების დღეს ულოცავს >>>

დიზაინერს და მის მეუღლეს, თბლისის მერს კახა კალაძეს ოთხი ვაჟი ჰყავთ – კახა, ლევანი, ვაჩე და ნიკოლა კალაძეები. ნიკოლა 2018 წლის სექტემბერში დაიბადა.

ყველა ახალი ამბავი
0