პოეზია ღია ცის ქვეშ...  სახურავზე:  Fabrika პოეზიის მოყვარულებს მასპინძლობს

გამოწერა
ნებისმიერ მსურველს ნებისმიერი ავტორის ლექსის წაკითხვის შესაძლებლობა ექნება

 

თბილისი, 5 ივლისი — Sputnik.  თბილისში, პოეზიის საღამო, მოყვარულთათვის და არა პროფესიონალებისთვის, მულტიფუნქციურ არტ–ცენტრ Fabrika–ში პარასკევს, 5 ივლისს გაიმართება, იუწყებიან ორგანიზატორები. 

თბილისის წიგნის დღეები - Sputnik საქართველო
ქართველმა მწერალმა ევროკავშირის ლიტერატურის პრემია მიიღო

ორგანიზატორები სტუმრებს არ ჰპირდებიან პომპეზურ წარმოდგენებს, სცენასა და პოეზიის ექსპერტებს, სამაგიეროდ, გარანტიას იძლევიან, რომ იქნება პოეტური გარემო, სადაც თითოეული სტუმარის შეძლებს პუბლიკას თავისი საყვარელი ლექსი წაუკითხოს.

 „თანამედროვე ცხოვრების სტილი და ამბის თხრობა თანდათან დასცილდა პოეზიას. პოეზია, როგორც ფორმა, ჰარმონიასთან ასოცირდება და მის ნაკლებობას ხშირად ვგრძნობთ. პოეზის უნივერსალურ ენაზე მთელი მსოფლიო საუბრობს, თუმცა ხშირად გვიჭირს პოეზიის ენით საუბარი და თვითგამოხატვა“, – ნათქვამია საღამოს ორგანიზატორების მიერ გავრცელებულ განცხადებაში.

პოეტური საღამო ღია ცის ქვეშ, შენობის სახურავზე გაიმართება. ნებისმიერ მსურველს ექნება შესაძლებლობა ნებისმიერი ავტორის ლექსი ნებისმიერ ენაზე წაიკითხოს.

საღამოს ატმოსფეროს შესაქმნელად ორგანიზატორებისგან ბონუსი ქართული ღვინო იქნება. ღონისძიება 20:00 საათზე დაიწყება, დასწრება თავისუფალია.

ყველა ახალი ამბავი
0