როგორ გამოიყურებიან და რით არიან დაკავებულნი ცნობილი ქართველი თინეიჯერები

არაორდინალური და კრეატიული იმიჯი მზერას ყოველთვის იზიდავს. ეს ქართველი გოგონები გამოირჩევიან სტილით, ვარცხნილობით და მიუხედავად პატარა ასაკისა - დახვეწილი გემოვნებითაც.

ზოგი ცნობილი მსახიობის, მოდელის ან კომპოზიტორის შვილია, ზოგმა წარმატების მწვერვალი საკუთარი ძალებით დაიპყრო. საკმარისია, რომელიმეს სოციალურ ქსელს თვალი გადაავლოთ, მაშინვე დარწმუნდებით, რომ ნამდვილი თანამედროვე საქართველო, სწორედ ამ ახალგაზრდებით იწყება.

საქართველოში ყველამ იცის „ფორმულა კრეატივის“ სატირულ-იუმორისტული ჟანრის ქართული სერიალი „ჩემი ცოლის დაქალები“, რომელიც 2011 წლიდან არ კარგავს აქტუალობას და რეიტინგს, როგორც მისი სცენარისტი- ქეთი დევდარიანი. ცნობილ ქართველ საზოგადო მოღვაწესა და აქტივისტს ერთი ქალიშვილი ჰყავს- 24 წლის თინა სირაძე. თინა ევროპაში, კერძოდ გერმანიაში ცხოვრობს და სწავლობს. როგორც ჩანს, მას არ უყვარს ტელეეკრანებზე გამოჩენა, მაგრამ სოციალურ ქსელში საკმაოდ აქტიურია და გერმანიამ მის თავისუფალ იმიჯზე გარკვეული გავლენა მოახდინა.

Look Models Managment-ის მოდელი, მატილდა გვარლიანი ჯერ მხოლოდ 15 წლისაა, მაგრამ საერთაშორისო საააგენტოებთან კონტრაქტები უკვე გაფორმებული აქვს და 16 წლიდან შეძლებს, საინტერესო პროექტებში მიიღოს მონაწილეობა. ინტერვიუებში ამბობს, რომ „Victoria’s Secret”- ის მოდელობა სურს. მოდის კრიტიკოსების შეფასებით, გოგონას პარამეტრებით და განსხვავებული გარეგნობით დიდი შანსები აქვს. ფოტოების დათვალიერებისას, დარწმუნდებით, რომ ნორჩ ყვავილს ჰგავს და მოდელობაც მისი მოწოდებაა.

შეიძლება ერთ სერიალში ითამაშოთ და მთელი თქვენი ცხოვრება 360 გრადუსით გადატრიალდეს. ქართველი ტინეიჯერის ცხოვრებაში სწორედ ასე მოხდა.  ჩვეულებრივი სკოლის არაჩვეულებრივმა მოსწავლემ რუსკა ქარქაშაძემ სახელი დრამატულ სერიალ „ხელოვნურ სუნთქვაში“ მელანოს როლით გაითქვა. ძალიან მალე საზოგადოებას თავი შეაყვარა და იმის მერე არ ჩერდება. 16 წლის სამსახიობო ნიჭით დაჯილდოებული გოგონა ცეკვას დაეუფლა და მაყურებლის წინაშე „ცეკვავენ ვარსკვლავებში“ ნამდვილი პროფესიონალივით წარდგა.

ეკა კახიანის ქალიშვილებს ყველა იცნობს, მაგრამ ქეთევან თოფურიძეს, ყველაზე უმცროსს არც ისე ბევრი. მას შემდეგ, რაც გოგონამ ცხვირის პრასტიკური ოპერაცია გაიკეთა ნამდვილ არისტოკრატს დაემსგავსა და ამის მერე მისი ქირურგის მოძიება არ  ჩერდება. ქართველ სელებრითებთან შედარებით, ქეთევანმა პლასტიკური ქირურგის ვინაობა Instagram- ზე გაამხილა. 2017 წელს ქეთომ სკოლა დაამთავრა და საზოგადოებისთვის უცნობია, თუ რას საქმიანობს ან სად სწავლობს ის.

არავისთვის არ არის უცნობი, რომ ეკა კახიანი და მაია ჯაბუა ბავშვობიდან მეგობრობენ. ასევე არიან ქეთო თოფურიძე და ლიზა ყენია. როგორც ჩანს, გოგონებს მეგობრობის გარდა ახლო ოჯახური ურთიერთობა აკავშირებთ. ლიზა ყენია მომღერალია, და განსხვავებული ტემბრით გამოირჩევა. გარდა მუსიკალური კარიერისა მისი პირადი ცხოვრებით ბევრი ინტერესდება.

ამბობს, რომ არ უნდოდა მუდამ მაია ჯაბუას შვილით ეცნოთ და ამიტომ სახასიათო სტილი შექმნა.