პარლამენტის შენობასთან მომიტინგეები კვლავინდებურად ითხოვენ შინაგან საქმეთა მინისტრ გიორგი გახარიას გადადგომას. იხილეთ "Sputnik-საქართველოს" ფოტოკადრები, თუ როგორ მიმდინარეობდა აქცია სამშაბათს.
პარლამენტის შენობასთან სამშაბათს დაახლოებით ორი ათასმა ადამიანმა მოიყარა თავი. აქციას მშვიდობიანი ხასიათი ჰქონდა: მომიტინგეებს ხელში ეჭირათ თეთრი ბურთები და სკანდირებდნენ „მშვიდობას“. ტრადიციულად, მიტინგზე მღეროდნენ, ყველაზე დასამახსოვრებელი გამოსვლა იყო სიმღერის შესრულება ფილმიდან „გასეირნება ყარაბაღში“.
აქციაზე მხოლოდ ერთი ინციდენტი მოხდა - ორგანიზატორებმა პოლიციას სთხოვეს გაეყვანათ ადამიანები, რომლებიც პროვოკაციის მოწყობას ცდილობდნენ. აქციაზე სასწრაფო სამედიცინო დახმარების გამოძახებაც გახდა საჭირო - მოშიმშილე გოგონა შეუძლოდ გახდა.
მიტინგის ორგანიზატორებმა აქციის მონაწილეებს შეატყობინეს შინაგან საქმეთა მინისტრის მობილური ტელეფონის ნომერი, რის შემდეგაც მათ გახარიას გაუგზავნეს SMS ტექსტით „წადი“. ამბობენ, რომ მინისტრმა ათასობით მსგავსი შეტყობინება მიიღო.
