თბილისი, 21 ივნისი — Sputnik. გაცემულია ბრძანება გიგი უგულავას, ნიკა მელიას, ირაკლი ოქრუაშვილის დაკავების შესახებ, განაცხადა სამაუწყებლო კომპანია Rustavi 2-ის გენერალურმა დირექტორმა ნიკა გვარამიამ საგანგებო ბრიფინზე.
ნიკა გვარამიას თქმით, ინფორმაციას ხელისუფლების რამდენიმე წარმომადგენლისგან ფლობს და იცის, რომ პარლამენტთან განვითარებული მოვლენების გამო, ოპოზიციის ლიდერების დაკავების ბრძანების გარდა, გამოყოფილია 20 მილიონიანი ფონდი „ქართული ოცნების“ თავმჯდომარის ბიძინა ივანიშვილის მიერ, რათა მომიტინგეებს გარკვეულმა ჯგუფებმა პროვოკაციები შეუქმნან.
