მიუხედავად იმისა, რომ ცნობილი ქართველი მოდელი ნანუკა გოგიჩაიშვილი პირად ცხოვრებას საგულდაგულოდ მალავს, კულუარებში აქტიურად საუბრობენ იმაზე, რომ მოდელი ცნობილი მილიონერის კობა ნაყოფიას ვაჟზე დაქორწინებას უახლოეს მომავალში გეგმავს.
მოდელი ნიკა ნაყოფიას შეყვარებულია და 10 ივნისს შეყვარებულს დაბადების დღეზე სიურპრიზიც მოუწყო - სამსახურში ტორტით და ბუშტებით დაადგა, რომლის ამსახველი ფოტოც მოდელს „ინსტაგრამზე“ უდევს.
ჯერ კიდევ გასულ წელს ერთ-ერთ ინტერვიუში ნანუკა გამოტყდა, რომ შეყვარებულია და მისი სიყვარულის ობიექტი მზრუნველი, ოჯახზე ორიენტირებული ადამიანია.
ნიკა ნაყოფიას ოჯახი „მადნეულისა“ და „კვარციტის“ აქციებს ფლობს. სწორედ „კვარციტის“ კონსულტანტის თანამდებობაზე მუშაობდა ნიკა ნაყოფია 19 წლის ასაკიდან და მისი შემოსავალი თვეში 220 000 ლარს შეადგენდა, რაც ამ თანამდებობისთვის ქვეყანაში უპრეცედენტო შემოსავალია.
ნიკას ლამაზი გოგონებით დაინტერესება პირველი ქორწინებით დასრულდა. მან ცოლად „მის საქართველო 2008“ ხათუნა სხირტლაძე მოიყვანა.
ქორწინების შემდეგ წყვილი ჰოლანდიაში გადავიდა საცხოვრებლად, მაგრამ ისინი დაშორდნენ და ხათუნა სხირტლაძე ახლა სხვაზეა დაქორწინებული.
