2013 წლის 7 სექტემბერს ქართული, თუ რუსული ტაბლოიდები ქეთა თოფურიას ქორწილის ვიდეოებსა თუ ფოტოებს აქტიურად ავრცელებდნენ. წყვილი 4 წელი ქორწინებამდე და კიდევ 4 წელი ქორწინების შემდეგ ერთად ცხოვრობდა.
ლევ გაიხმანი ქართველ შემსრულებელზე 12 წლით უფროსია, ქეთა ამბობდა, რომ ურთიერთობა უფროს მამაკაცებთან უადვილდებოდა.
2015 წელს შვილის გასაჩენად და აშშ- ის პასპორტის მისაღებად, ქეთა ამერიკაში გაემგზავრა და გოგონა-ოლივია მოავლინა ქვეყნად. გოგონა დედას ძალიან ჰგავს, წყვილის განქორწინების შემდეგ დედასთან ცხოვრობს და მას ქართველი ბებია-ნატალია თოფურია ზრდის.
„როგორც ამბობენ, ურთიერთობაში მეშვიდე წელი ერთ-ერთი ყველაზე რთული პერიოდია. სწორედ, ამ დროს დაიწყო კრიზისული ვითარება. ჩვენ საკუთარი თავი სიყვარულში ამოვწურეთ და სკანდალების გარეშე დავშორდით“, - განაცხადა ქეთამ ერთ-ერთ ინტერვიუში.
ქეთა თოფურიამ ერთ-ერთ ცნობილ რუს ბლოგერ რეგინა ტოდორენკოს გადაცემაში „პარასკევი რეგინასთან ერთად“(https://www.youtube.com/watch?v=1w9QNA-Pbjc), 4 წლის ოლივია გეიხმანის მომავალ სარწმუნოებაზეც ისაუბრა. ვარსკვლავის განცხადებით, მისი ყოფილი მეუღლე ეწინააღმდეგება, რომ პატარა გოგონა გაქრისტიანდეს, ან იუდეველი გახდეს.
„ჯერ-ჯერობით, ჩვენი შვილის სარწმუნოება გაურკვეველია. მე ქრისტიანი ვარ, ხოლო ლევი იუდეველი. ამის გამო უთანხმოება გვაქვს და ასე გადავწყვიტეთ, როდესაც ოლივია გაიზრდება და ორივე რელიგიას შეისწავლის, ჩვენ მივცემთ უფლებას თავად აირჩიოს ქრისტიანი გახდება თუ იუდეველი“, - ამბობს ქეთა.
ქეთა და მისი შვილის მამა მეგობრულ დამოკიდებულებას დღემდე ინარჩუნებენ. ყოველ ზაფხულს თბილისში, ოლივიას დაბადების დღის აღსანიშნავად ჩამოდიან და პატარას წყნეთში გრანდიოზულ წვეულებებს უწყობენ.
