ვინ არის ქართველი სტუდენტი, რომელიც ვილნიუსიდან თბილისამდე ფეხით ჩამოვა

CC0 / Pixabay / ტურისტი
ტურისტი - Sputnik საქართველო
გამოწერა
НовостиTelegram
ლიეტუვაში დაბადებული ქართველი სტუდენტი ორი ქვეყნის მეგობრობის ნიშნად, ლიეტუვიდან თბილისში ფეხით ჩამოსვლას გეგმავს.

თბილისი, 10 ივნისი — Sputnik. ლიეტუვაში დაბადებული ქართველი ნიკო ამირგულაშვილი ვილნიუსიდან თბილისში ფეხით ჩამოვა. ინფორმაციას Imedinews ავრცელებს.

ნიკო ლიეტუვიდან პოლონეთისა და უკრაინის გავლით საქართველოში ჩამოსვლას 3 თვეში გეგმავს. ის ყოველდღიურად 30 კილომეტრის გავლას შეეცდება და საერთო ჯამში 2000 კილომეტრზე მეტ მანძილს დაფარავს. 

ქართველმა სტუდენტმა მოგზაურობა უკვე დაიწყო და საქართველოში ლიეტუვის საელჩოს ინფორმაციით, ამჟამად ტრაკაის ციხესიმაგრესთან გაჩერდა. მოგზაურობის პირველი ეტაპი ვილნიუსიდან და ბიალისტოკამდე (პოლონეთი) მონაკვეთს მოიცავს.

ნიკო ამირგულაშვილი საქართველოში, სავარაუდოდ, აგვისტოში ჩამოვა. მანამდე კი თავისი მარშრუტის შესახებ სპეციალურად შექმნილ Facebook გვერდზე პერიოდულად აქვეყნებს ინფორმაციას.

ქართველი მაგისტრანტი ევროპის იურისტ სტუდენტთა ასოციაციის გენერალური მდივანი გახდა >>>

ამირგულაშვილმა ფეხით მოგზაურობა ორ ქვეყანას შორის შორის მეგობრობის ნიშნად გადაწყვიტა.

ყველა ახალი ამბავი
0