თბილისი, 9 ივნისი — Sputnik. „მის საქართველო 2011“ ტიტულის მფლობელი, მოდელი ჯანეტ ქერდიყოშვილი და ტელეარხ Imedi-ს პროდიუსერი და წამყვანი ნოე სულაბერიძე დღეს უკვე ოფიციალურად დაქორწინდნენ.
წყვილმა სამების საკათედრო ტაძარში დაიწერა ჯვარი.
მან და პროდუსერმა ნოე სულაბერიძემ ხელი სულ ცოტა ხნის წინ მოაწერეს. ხელის მოწერის ცერემონიაზე ჯანეტს სადა თეთრი კოსტიუმი ეცვა, რომელიც Instagram-ის „სტორიზში“ გამოაქვეყნა.
ჯანეტისთვის ეს პირველი ქორწინებაა, ხოლო ნოე სულაბერიძე ორჯერ იყო დაქორწინებული. მეორე მეუღლეს, ტელეწამყვან ეკა სამხარაძეს ის 2014 წელს დაშორდა. სულაბერიძეს ორივე ქორწინებიდან ორი შვილი ჰყავს.
View this post on Instagram#arrivederci #bye #gülegüle #bodrum #turkey 🇹🇷 #thankyou @captain_plus #seeyouagain #loveistheanswer
მოდელი ბოლო წლების მანძილზე საზღვარგარეთ ცხოვრობდა, სადაც დიზაინის ფაკულტეტზე სწავლობდა. მას დიდი გეგმები ჰქონდა მსოფლიოს მოდის სფეროში მოსახვედრად, მაგრამ როგორც ხედავთ, თბილისში დაბრუნდა და ნოე სულაბერიძეზე გათხოვდა.
ჯანეტ ქერდიყოშვილი 1991 წლის 29 ნოემბერს თბილისში დაიბადა. 19 წლის ასაკში „მის საქართველო 2011"-ის ტიტულის მფლობელი გახდა. მუშაობდა ჟურნალისტად, მოდელად ჟურნალ Vogue-ში (უკრაინა), ასევე იყო ტელეკომპანია „რუსთავი2"-ის გადაცემა „მის საქართველო 2015"-ის კონკურსის დღიურების" წამყვანი. ბოლო დროს ცხოვრობდა მილანში, სადაც მოდისა და დიზაინის კერძო იტალიურ სკოლა Istituto Marangoni-ში მოდისა და დიზაინის ფაკულტეტზე სწავლობდა.
