თბილისი, 7 ივნისი — Sputnik. ბორჯომში ძლიერი სეტყვა მოვიდა, იუწყება ტელეკომპანია „ბორჯომი“.
სეტყვა და ძლიერი წვიმა 15 წუთის განმავლობაში გადაუღებლად მოდიოდა.
არსებული ინფორმაციით, ძლიერი წვიმისა და სეტყვის შედეგად დაიტბორა 9 აპრილის ქუჩის გარკვეული მონაკვეთი.
ჯერჯერობით არ არის ცნობილი ინფორმაცია სტიქიით გამოწვეული ზარალის შესახებ.
ქალაქის მაცხოვრებლებმა ინტერნეტში სტიქიის ამსახველი ფოტო და ვიდეო კადრები გაავრცელეს.
