თბილისი, 2 ივნისი – Sputnik. სამართალდამცველებმა თბილისში ცეცხლსასროლი იარაღის მართლსაწინააღმდეგო შეძენა-შენახვის ბრალდებით 1990 წელს დაბადებული ნ. კ. დააკავეს, ნათქვამია შსს–ს მიერ გავრცელებულ განცხადებაში.
პოლიციამ დაკავებულის საცხოვრებელი ბინის ჩხრეკისას, „ბრაუნინგის" და „ტოზის" მოდელის არარეგისტრირებული ცეცხლსასროლი იარაღი, 2 მჭიდი და საბრძოლო ვაზნები ნივთმტკიცების სახით ამოიღო.
გამოძიება ცეცხლსასროლი იარაღის მართლსაწინააღმდეგო შეძენა-შენახვის ფაქტზე , სისხლის სამართლის კოდექსის 236-ე მუხლის მე-3 ნაწილით მიმდინარეობს, რაც 3-დან 6 წლამდე ვადით თავისუფლების აღკვეთას ითვალისწინებს.
