ქართველებმა მთელ მსოფლიოში 26 მაისს საქართველოს დამოუკიდებლობის დღე აღნიშნეს, მიუხედავად იმისა, რომ სამშობლოდან შორს იმყოფებიან
დიდ ბრიტანეთში მცხოვრებმა ქართველებმა ადგილობრივები გაახალისეს, სოციალური ქსელების ქართველი მომხმარებლები კი სიამაყით აავსეს.
ვიდეოს აღწერაში წერია, რომ მოცეკვავეები ცეკვის გაკვეთილზე უნდა წასულიყვნენ. როგორც ჩანს, გაკვეთილისა და დამოუკიდებლობის დღის დამთხვევის გამო, მათ ქუჩის ცეკვით გადაკვეთა გადაწყვიტეს.
მათი გამოსვლა გაიმართა ცნობილ ქუჩაზე Abbey Road. აქ გადაღებულია მსოფლიოსთვის ცნობილი ბენდის The Beatles სურათი, რომელიც შემდეგ მათი მუსიკალური ალბომის გარეკანად გამოიყენეს.
ქვეითთა გადასასვლელი ქართველებმა ხორუმით შესაბამისი აკომპანიმენტის ფონზე გადაკვეთეს.
