მამუკა ბახტაძე: საქართველო იმსახურებს მეტს, ეს არის ყველას პოზიცია
„ბრიუსელში რამდენიმე მნიშვნელოვანი შეხვედრა გაიმართება, აღვნიშნავთ აღმოსავლეთ პარტნიორობის 10 წელიწადს. ამ პერიოდის განმავლობაში საქართველომ ძალიან მნიშვნელოვან პროგრესს მიაღწია. ჩვენი ყველა ევროპელი პარტნიორი აღიარებს, რომ სწორედ საქართველო არის ლიდერი ქვეყანა აღმოსავლეთ პარტნიორობაში“, – აღნიშნა მამუკა ბახტაძემ.
პრემიერ-მინისტრის განმარტებით, საქართველოს აქვს ასოცირების ხელშეკრულება, თავისუფალი, უვიზო მიმოსვლა ევროპაში, მაგრამ საქართველო კიდევ მეტს იმსახურებს.
