გუგული მაღრაძე: კვირიკაშვილმა მომწერა, ეს პირდაპირი გალაშქრებაა ჩემს წინააღმდეგო
„წელიწად-ნახევრის წინ ვთქვი, რომ ბილწსიტყვაობას ავკრძალავდი საჯარო სივრცეში და ამაზე ახლა დაიწყეს ლაპარაკი, როცა ძალიან მოეწვა ყველას?! არ უნდა შეიგინოს პარლამენტარმაც, რადგანაც პარლამენტარობის სიძნელეც ეგ არის, კონტროლი უნდა გქონდეს მეტი, შენ ქცევაზე, შენ მეტყველებაზე“, – ამბობს გუგული მაღრაძე.
დეპუტატი იხსენებს, როდესაც საუბარი დაიწყო ბილწსიტყვაობისა და ჭარბწონიანობის აკრძალვაზე, მაშინდელმა პრემიერ-მინისტრმა გიორგი კვირიკაშვილმა წერილი მისწერა – ჩემ წინააღმდეგ ილაშქრებთ ორივე შემთხვევაშიო.
