თბილისი, 4 მაისი — Sputnik. მცხეთის მუნიციპალიტეტის სოფელ მამკოდაში მდინარის ადიდების გამო ადამიანები მეორე ნაპირზე ჩარჩნენ, მიმდინარეობს სამაშველო ოპერაცია, იუწყება პირველი არხი საგანგებო სიტუაციების მართვის სამსახურზე დაყრდნობით.
მამკოდის ტერიტორიაზე მაშველები მუშაობენ და ადიდებული მდინარის მეორე მხრიდან ადამიანები გამოჰყავთ. ადგილზე 25 მაშველი მუშაობს. მათ მდინარის მეორე ნაპირიდან 7 ადამიანი დარჩათ გამოსაყვანი.
ჩარჩენილთაგან რამდენიმე ადამიანი ამ ეტაპზე მაშველებს არ ემორჩილება და მეორე ნაპირზე არ გადმოდის. ისინი მამკოდის ტერიტორიაზე საქეიფოდ არიან მისული.
ადგილზე 25 მაშველი მუშაობს. მდინარის მეორე ნაპირზე სულ 70 ადამიანი იყო ჩარჩენილი. შემთხვევის შედეგად არავინ დაშავებულა.
