თბილისი, 24 აპრილი — Sputnik. ზუგდიდში, თამარ მეფის ქუჩაზე მდებარე ერთ-ერთ სუპერმარკეტი დააყაჩაღეს, იუწყება საზოგადოებრივი მაუწყებლის პირველი არხი.
ნიღბიანმა და ცივი იარაღით შეიარაღებულმა მამაკაცმა სუპერმარკეტის მოლარეს 150 ლარი წაართვა და მიიმალა.
შინაგან საქმეთა სამინისტროს ინფორმაციით, ფაქტთან დაკავშირებით გამოძიება სისხლის სამართლის კოდექსის 179-ე მუხლით მიმდინარეობს, რაც ყაჩაღობას გულისხმობს.
უწყების ცნობით, სამართალდამცველები აქტიურ საგამოძიებო მოქმედებებს ატარებენ დამნაშავის დასაკავებლად.
