თბილისი, 22 აპრილი — Sputnik. რუსთავში სამართალდამცველები 15 წლის გოგონას ეძებენ, აცნობეს „Sputnik–საქართველოს“ შინაგან საქმეთა სამინისტროში.
მოზარდი რუსთავში დღეს დაიკარგა. ოჯახმა გოგონას გაუჩინარების თაობაზე პოლიციას დღესვე აცნობა.
გამოძიება სისხლის სამართლის კოდექსის 115-ე მუხლით არის აღძრული, რაც თვითმკვლელობამდე მიყვანას გულისხმობს და 2-დან 4 წლამდე ვადით თავისუფლების აღკვეთას ითვალისწინებს.
შსს-ს ცნობით, დაკარგული ბავშვის პოვნის მიზნით შესაბამისი სამძებრო სამუშაოები უკვე მიმდინარეობს.
