თბილისი, 21 აპრილი - Sputnik. კომპანია New Image Marketing Group-მა ადგილობრივი დროით 12:00 საათისათვის ეგზიტპოლის მონაცემები გამოაქვეყნდა, იუწყება РИА Новости.
უკრაინაში საპრეზიდენტო არჩევნების მეორე ტური დაიწყო. ხმის მიცემის პროცედურა ადგილობრივი დროით 8:00 საათზე დაიწყო და 20:00 საათზე დასრულდება.
12:00 საათის მონაცემებით, ვლადიმირ ზელენსკი ხმების 71,8 %-ს იღებს, სახელმწიფოს მოქმედ მეთაურ პეტრო პოროშენკოს 28,2% აქვს.
ქვეყნის აღმოსავლეთ ნაწილში პრეზიდენტობის კანდიდატს აქვს ამომრჩეველთა ხმების 88,8%, ხოლო მოქმედ პრეზიდენტს - მხოლოდ 11,2%.
უკრაინის ცენტრალურ ნაწილში ზელენსკის აქვს 72,9%, პოროშენკოს - 27,1%.
უკრაინის დასავლეთში პრეზიდენტობის ორივე კანდიდატს თითქმის თანაბარი შანსები აქვთ. კერძოდ, ზელენსკი იღებს 55,6%-ს, პოროშენკო - 44,4%-ს.
აღსანიშნავია, რომ ამომრჩევლები მეორე ტურში უფრო მეტად აქტიურები არიან, ვიდრე პირველ ტურში. უკრაინის ცესკოს ხელმძღვანელის მოადგილე ოლეგ კონოპოლსკის მონაცემებით, 15:00 საათისთვის აქტივობამ დაახლოებით 48% შეადგინა.
