პარიზის ღვთისმშობლის ტაძარში ხანძარი 15 მარტის საღამოს გაჩნდა, რის გამოც ჩამოინგრა შენობის სამრეკლო, სახურავის ნაწილი, ჩამოვარდა საათი. იხილეთ „Sputnik-საქართველოს“ ფოტოკადრები, თუ როგორ გამოიყურება ნოტრ-დამი ხანძრის შემდეგ.
ხანძრის გაჩენამდე შენობაში ხარაჩოები იდგა და სარემონტო სამუშაოები მიმდინარეობდა. მასმედიის ნაწილის ინფორმაციით, ხანძარი ზუსტად იქ გააჩნდა, სადაც ხარაჩოები იდგა. არ არის გამორიცხული, რომ მომხდარის მიზეზი სამშენებლო სამუშაოების დროს უსაფრთხოების ნორმების დარღვევა იყოს. ხანძარს ათასობით ადამიანი აკვირდებოდა, ბევრი პარიზელი ნოტრ-დამის გადასარჩენად ქუჩებში ლოცულობდა.
სხვადასხვა ექსპერტების შეფასებით, ტაძრის სრულად აღდგენა შესაძლებელია, თუმცა ამას წლები დასჭირდება.
დაწყებულია პარიზის ღვთისმშობლის ტაძრის აღსადგენი თანხების მოგროვება, შესაბამისი განყოფილება სახელწოდებით „გადავარჩინოთ ნოტრ-დამი“ უკვე გამოჩნდა საფრანგეთის კულტურული მემკვიდრეობის დაცვის სახელმწიფო ფონდის ვებ-გვერდზე. გვერდის მომხმარებლებს შეუძლიათ 50-დან 500 ევრომდე თანხა შეიტანონ, ან მიუთითონ სხვა ნებისმიერი თანხა.
