თბილისი, 15 აპრილი — Sputnik. საქართველოს ფინანსთა სამინისტროს საგამოძიებო სამსახურის თანამშრომლებმა ქონების თაღლითურად დაუფლების მცდელობის ფაქტზე ერთი პირი დააკავეს, ნათქვამია უწყების მიერ გავრცელებულ განცხადებაში.
საქმის მასალებიდან ირკვევა, რომ ბრალდებული თაღლითურად დაუკავშირდა ერთ-ერთ პირს, რომელსაც დამატებული ღირებულების გადასახადში ერიცხებოდა ზედმეტობა 112 ათასი ლარის ოდენობით. დაარწმუნა, რომ შეეძლო დახმარებოდა მას დღგ-ის ნაწილში არსებული ზედმეტობის განაღდებაში, რაშიც მოსთხოვა 35 ათასი ლარი. ბრალდებულმა ამ პირისგან წინასწარ აიღო 20 ათასი ლარი, რა დროსაც დააკავეს.
გამოძიება მიმდინარეობს სსკ-ის 19-180-ე მუხლის მესამე ნაწილით, რაც სასჯელის სახით ითვალისწინებს ექვსიდან ცხრა წლამდე ვადით თავისუფლების აღკვეთას.
