თბილისი, 1 აპრილი — Sputnik. ევროპის სურსათის სააგენტომ (European Food Authority) საქართველოსგან ხინკლის დამზადების საავტორო უფლება შეისყიდა.
შესაბამის ხელშეკრულებაზე ხელმოწერის საზეიმო ღონისძიება რესპუბლიკის მოედანზე დღეს, 20:00 საათზე გაიმართება.
ხელშეკრულების თანახმად, მიმდინარე წლის 1 ივნისიდან ხინკალი საქართველოში მხოლოდ სოფლებში მომზადდება. ასევე, ევროკავშირის ქვეყნები თითოეულ მომზადებულ ხინკალში საქართველოს მთავრობას 1 ევროცენტს გადაუხდიან.
რესტორნები, რომლებიც შეთანხმებას დაარღვევენ და ხინკალს თბილისის ტერიტორიაზე მოამზადებენ, დაჯარიმდებიან 2500 ლარით.
ევროპის 28 დემოკრატიულმა სახელმწიფომ ერთხმად აღიარა, რომ ქართული ტრადიციული კერძის მომზადების რეცეპტს უცვლელად დატოვებენ: 700 გრამი საქონლის ხორცი, 300 გრამი ღორის ცხიმიანი ხორცი, 1 ცალი ნედლი მწვანე წიწაკა, 4 ცალი საშუალო ზომის ხახვი, 1 კონა ნედლი ქინძი, 1,2 კგ ფქვილი.
ახლო მომავალში დაგეგმილია საქართველოდან ხინკლის კუჭების ექსპორტიც, რომელიც, ხელშეკრულების თანახმად, მომავალი წლის 1 აპრილს დაიწყება!
P.S. იმედია მიხვდით, რომ მასალა საპირველაპრილო ხუმრობაა!
