საქართველოში ყველაზე ასაკოვანი პედაგოგი 97 წლისაა

© photo: Sputnik / Anton Denisov / გადასვლა მედიაბანკშისკოლები
სკოლები - Sputnik საქართველო
გამოწერა
საქართველოში პედაგოგების ძირითადი ნაწილი საპენსიო ასაკისაა.

თბილისი, 1 აპრილი — Sputnik. საქართველოში ყველაზე ასაკოვანი პედაგოგი ქალი 97 წლისაა, პედაგოგი მამაკაცი კი 95-ის, ნათქვამია ACT-ს ანალიზისა და კონსულტაციის ჯგუფის ვებ-გვერდზე გავრცელებულ განცხადებაში.

კვლევის თანახმად, როგორც ქალებს, ისე მამაკაცებს შორის ყველაზე ახალგაზრდა პედაგოგი 19 წლისაა.

საქართველოში პედაგოგების ხელფასი შეიძლება სამჯერ გაიზარდოს>>>

სახელმწიფო სკოლებში დასაქმებულთა ძირითადი ნაწილი საპენსიო ასაკის პედაგოგები არიან. საკმაოდ მცირეა იმ ახალგაზრდების რაოდენობა, რომლებიც მასწავლებლის პროფესიას ირჩევენ და სკოლებში საქმდებიან.

როგორც ACT-ს ანგარიშშია ნათქვამი, პრაქტიკა აჩვენებს, რომ ახალგაზრდების ნაწილი, რომელიც მოღვაწეობას სკოლაში იწყებს, მალე ტოვებს სამსახურს, რამდენადაც მათ არ მოსწონთ ის გარემო, ან უკეთეს ალტერნატივას პოულობენ.

გაკვეთილი - Sputnik საქართველო
განათლების მინისტრი: პრიორიტეტი ქართული სკოლის მოდელის შექმნაა

საქართველოში განათლების სისტემის მასშტაბური რეფორმა ტარდება, რომლის ერთ-ერთი მთავარი კომპონენტი პედაგოგის პროფესიის პოპულარიზაციაა.

საქართველოს ხელისუფლება ისწრაფვის იმისკენ, რომ პედაგოგის პროფესია ერთ-ერთი მაღალანაზღაურებადი და პრესტიჟული გახდეს. მთავრობის მიზანია მასწავლებლის საშუალო ხელფასი 1,5-1,8 ათასი ლარის ფაგლებში იყოს.

საქართველოს სტატისტიკის ეროვნული სამსახურის „საქსტატის" მონაცემების მიხედვით, 2018 წლის მეოთხე კვარტალში საშუალო ყოველთვიური ნომინალური ანაზღაურება საგანმანათლებლო-სამეწარმეო სფეროში 833,9 ლარი იყო, არასამეწარმეო სფეროში – 638,8 ლარი.

საქართველოს მთავრობა 2019 წელს განათლებაზე აპირებს ფულადი სახსრების დახარჯვას, რომელიც მთლიანი შიდა პროდუქტის 10-11%-ს შეადგენს.

2019 წლის ბიუჯეტის პროგნოზით, მშპ ერთ სულ მოსახლეზე 4,3 ათას დოლარზე მეტს შეადგენს. 2019 წელს ბიუჯეტიდან განათლების სამინისტროსთვის 1,5 მილიარდი ლარი გამოიყოფა.

ACT – ანალიზისა და კონსულტაციების გლობალური კომპანიაა, რომელიც მოიცავს დსთ-ის და აღმოსავლეთ ევროპის ქვეყნებს, აქვს თავისი წარმომადგენლობები საქართველოში, აზერბაიჯანსა და ყაზახეთში.

 

ყველა ახალი ამბავი
0