ნინო ბურჯანაძე მოსკოვში მორიგი ვიზიტით იმყოფება

© SPUTNIK / LEVAN AVLABRELIნინო ბურჯანაძე
ნინო ბურჯანაძე - Sputnik საქართველო
გამოწერა
მოსკოვში ბურჯანაძე რუსული პოლიტიკური წრეების წარმომადგენლებს შეხვდება

თბილისი, 12 მარტი — Sputnik. საქართველოს პარლამენტის ექს-სპიკერი, ოპოზიციური პარტია „დემოკრატიული მოძრაობის“ ლიდერი ნინო ბურჯანაძე მოსკოვში იმყოფება, განუცხადეს „Sputnik-საქართველოს“ პარტიის პრეს-სამსახურში.

პრესსამსახურის წარმომადგენლის ინფორმაციით, მოსკოვში ბურჯანაძე მონაწილეობას მიიღებს სხვადასხვა ტელე- და რადიოგადაცემებში, მათ შორის რადიო Sputnik-ზე. გარდა ამისა, რუსეთის პირველ არხზე პროგრამა „დიდი თამაშის“ სტუმარი იქნება.

საქართველოს პარლამენტის ექს-სპიკერი რუსული პოლიტიკური წრეების წარმომადგენლებს შეხვდება და მოსკოვში კვირის ბოლომდე დარჩება, განაცხადეს პარტიის პრესსამსახურში.

ნინო ბურჯანაძე - Sputnik საქართველო
ბურჯანაძე მოუწოდებს საქართველოს არ აღიაროს უკრაინის ავტოკეფალია

ადრე ოპოზიციონერი პოლიტიკოსი არაერთხელ გაემგზავრა რუსეთში, მიზეზად კი ქვეყნებს შორის ურთიერთობების მოგვარება დაასახელა. მედიისთვის ცნობილი ბოლო ვიზიტი 2018 წლის სექტემბერში სანქტ-პეტერბურგში შედგა, სადაც ბურჯანაძემ რიგით ევრაზიის ქალთა მეორე ფორუმში მიიღო მონაწილეობა.

დიპლომატიური ურთიერთობები საქართველოსა და რუსეთს შორის თბილისის გადაწყვეტილებით 2008 წლის აგვისტოს ომის შემდეგ მოსკოვის მიერ აფხაზეთისა და ცხინვალის რეგიონის დამოუკიდებლობის აღიარების საპასუხოდ შეწყდა. დიალოგი ქვეყნებს შორის ხორციელდება მხოლოდ ჟენევის დისკუსიებისა და პრემიერის სპეციალური წარმომადგენლის ზურაბ აბაშიძისა და რუსეთის საგარეო საქმეთა მინისტრის მოადგილის გრიგორი კარასინის პრაღაში რეგულარული შეხვედრების ფარგლებში.

ბურჯანაძე მესამე პოლიტიკურ ცენტრს ქმნის >>

ნინო ბურჯანაძე პარლამენტის თავმჯდომარე 2001-2008 წლებში იყო. ამ დროის განმავლობაში მან ორჯერ შეასრულა საქართველოს პრეზიდენტის მოვალეობები – 2004 და 2007 წლებში.

2008 წელს ბურჯანაძე ოპოზიციაში გადავიდა და პარტია „დემოკრატიული მოძრაობა - ერთიანი საქართველო" დააფუძნა.

ყველა ახალი ამბავი
0