თბილისი, 8 მარტი — Sputnik. გლდანში „საქართველოს ბანკის“ ფილიალის დაყაჩაღებისას თავდამსხმელების მიერ ცეცხლის გახსნის შედეგად არავინ დაშავებულა, იუწყება ტელეკომპანია Rustavi 2.
გავრცელებული ინფორმაციით, ბანკის ფილიალიდან სამი ნიღბიანი პირი გამოვიდა და დაცვის პოლიციის მისამართით ცეცხლი გახსნა. საპასუხო ცეცხლი თავდამსხმელებს დაცვის პოლიციის თანამშრომლებმაც გაუხსნეს. დამნაშავეებმა შემთხვევის ადგილიდან მიმალვა შეძლეს.
შემთხვევის ადგილზე მობილიზებულია საპატრულო პოლიცია და ექსპერტ–კრიმინალისტები.
შემთხვევა გლდანის მე-6 მიკრორაიონში ნახევარი საათის წინ მოხდა.
