ბათუმში ქალისა და მამაკაცის დაჭრის ფაქტზე პოლიციამ ხუთი პირი დააკავა

© Sputnik / Seyran Baroyanბათუმის საავადმყოფო
ბათუმის საავადმყოფო - Sputnik საქართველო
გამოწერა
ექიმების ინფორმაციით, დაჭრილების სიცოცხლეს საფრთხე არ ემუქრება.

თბილისი, 3 მარტი — Sputnik. ბათუმში შაბათს ქალი და მამაკაცი დაჭრეს, აღნიშნულ ფაქტზე სამართალდამცველებმა ხუთი პირი დააკავეს, იუწყება საზოგადოებრივი მაუწყებლის პირველი არხი.

დაკავება - Sputnik საქართველო
სამართალდამცველებმა სამი პირი ქურდობის მცდელობის ფაქტზე დააკავეს

ბათუმის რესპუბლიკურ საავადმყოფოსთან დაპირისპირება ორი პაციენტის მნახველებს შორის მოხდა. შედეგად, ორი ადამიანი – ქალი და მამაკაცი ცივი იარაღით დაჭრეს. დაშავებულია კიდევ რამდენიმე პირი.

ორივე დაჭრილი ბათუმის რესპუბლიკურ საავადმყოფოში რჩება. მათ ოპერაცია ჩაუტარდათ. ექიმების ინფორმაციით, დაჭრილების სიცოცხლეს საფრთხე არ ემუქრება.

გამოძიება მიმდინარეობს სსკ-ის 117-ე, 236-ე და 239-ე მუხლით, რაც გულისხმობს ჯანმრთელობის განზრახ მძიმე დაზიანებას, ცეცხლსასროლი იარაღის მართლსაწინააღმდეგო შეძენა-შენახვასა და იარაღით ჩადენილ ხულიგნობას. დანაშაული 4-დან 7 წლამდე თავისუფლების აღკვეთას ითვალისწინებს.

ყველა ახალი ამბავი
0