2018 წლის განმავლობაში საქართველოში 6,4 ათასზე მეტი საგზაო-სატრანსპორტო შემთხვევა მოხდა, რომელსაც 459 ადამიანი ემსხვერპლა.
2017 წელს, ერთი წლით ადრე კი 6 ათასზე ოდნავ მეტი ავტოსაგზაო შემთხვევა დაფიქსირდა, თუმცა, მსხვერპლი უფრო დიდი იყო - 517.
ყველაზე ხშირად ავარიები თბილისში ხდება და ეს გასაკვირი არც არის, თბილისში ხომ, პრაქტიკულად, ყოველ მესამეს ავტომობილი ჰყავს.
მსოფლიოში საგზაო-სატრანსპორტო შემთხვევების შედეგად წელიწადში 1,3 მილიონ ადამიანზე მეტი იღუპება და ეს მაჩვენებელი სულ უფრო იზრდება, ნათქვამია მსოფლიოში საგზაო მოძრაობის უსაფრთხოების შესახებ ჯანდაცვის მსოფლიო ორგანიზაციის მიერ მომზადებულ ანგარიშში.
