თბილისი, 20 თებერვალი – Sputnik. მსოფლიოში ცნობილ მოდელიერ კარლ ლაგერფილდთან გამომშვიდობება არ გაიმართება – ასეთი იყო მისი სურვილი, იუწყება საინფორმაციო სააგენტო РИА Новости გამოცემა Paris Match–ზე დაყრდნობით.
Chanel-ის მოდის სახლის კრეატიული დირექტორი, მსოფლიოს უდიდესი მოდელიერი კარლ ლაგერფელდი სამშაბათს საფრანგეთში 85 წლისა გარდაიცვალა.
„მისი ნება აღსრულდება“, – განაცხადა Chanel–ის წარმომადგენელმა.
როგორც ცნობილია, ლაგერფილდის სურვილი იყო, რომ სიკვდილის შემდეგ მისი სხეულის კრემაცია მომხდარიყო და ასევე, არ გამართულიყო არანაირი სამგლოვიარო ცერემონია.
