თბილისი, 20 თებერვალი – Sputnik. ექსკურსიამძღოლების მსოფლიო დღეს, 21 თებერვალს გიდები საქართველოში უფასო ტურებს ჩაატარებენ, განუცხადა „Sputnik–საქართველოს“ გიდმა ნათია ხიდაშელმა.
ექსკურსიამძღოლების მსოფლიო დღე ყოველწლიურად 21 თებერვალს 1990 წლიდან აღინიშნება. მაშინ თავიანთ პორფეიულ დღესასწაულს გიდები ლონდონში შეხვდნენ. ღონისძიების ინიციატორად ექსკურსიამძღოლების ასოციაციების საერთაშორისო ფედერაციაა მიჩნეული.
თბილისში აქცია სახელწოდებით „საქართველოსთვის“ მეტეხის ტაძართან 12:00 საათზე დაიწყება. ანალოგიური აქციები ქალაქის ღირსშესანიშნაობებთან დაიწყება ქუთაისში, ფოთში, ბათუმში, გორში, მცხეთასა და სხვა ქალაქებში.
„საქართველოში გიდების უმრავლესობა პროფესიონალია, არიან კოლეგიალურები და ძალიან უყვართ თავიანთი პროფესია. ეს ძალიან ძლიერი აქციაა და მიუთითებს იმაზე, რომ ადგილობრივი გიდები ერთად კარგად მუშაობენ. ეს ასევე მიუთითებს, რომ ქვეყანაში ტურიზმი და გიდების საქმიანობა მიზანსწრაფულად ვითარდება“, – აღნიშნა ხიდაშელმა.
ტურები განკუთვნილი იქნება როგორ ტურისტების, ისე ადგილობრივი მცხოვრებლებისთვის. უფასო აქციები 15:00 საათზე დასრულდება.
