საქართველოს ნაკრების კიდევ ერთი ფეხბურთელი დარჩა კლუბის გარეშე

© photo: Sputnik / Stringerგიორგი ნავალოვსკი
გიორგი ნავალოვსკი - Sputnik საქართველო
გამოწერა
საქართველოს ნაკრების ფეხბურთელებმა ჭანტურიამ და ოქრიაშვილმა კარიერის გასაგრძელებლად ჯერ კლუბი ვერ მოძებნეს

თბილისი, 14 თებერვალი – Sputnik. საქართველოს ფეხბურთის ნაკრების მცველმა გიორგი ნავალოვსკიმ და „დინამო – მინსკმა“ მხარეთა ურთიერთშეთანხმებით კონტრაქტი გაწყვიტეს, ნათქვამია ბელარუსული კლუბის ვებ–გვერდზე განთავსებულ განცხადებაში.

„საფეხბურთო კლუბი „დინამო – მინსკი“ გულწრფელ მადლობას უხდის გიორგის გუნდის დახმარებისთვის და ფეხბურთელს შემდგომ კარიერულ წარმატებებს უსურვებს“, – აღნიშნულია განცხადებაში.

მატჩი საქართველო-ლატვია. უეფას ერთა ლიგა. ჩაკვეტაძე შეტევაში - Sputnik საქართველო
პირველად ისტორიაში: ქართველი ფეხბურთელი მსოფლიო ნაკრებშია

ნავალოვსკი, რომელსაც ივნისში 33 წელი შეუსრულდება, „დინამო–მინსკში“ გასულის წლის ზაფხულში რუსული „სკა–ხაბაროვსკიდან“ გადავიდა. მინსკელებთან ერთად ქართველმა ფეხბურთელმა 11 მატჩი ჩაატარა, რომლებშიც თავი ორი საგოლე გადაცემით გამოიჩინა.

ნავალოვსკი საქართველოს ნაკრების მესამე ფეხბურთელია რომელიც ამ ზამთარში კლუბის გარეშე დარჩა. მანამდე გიორგი ჭანტურიამ „ურალი“ დატოვა, ხოლო თორნიკე ოქრიაშვილმა – „კრასნოდარი“.

საქართველოს ნაკრები ევრო–2020–ის შესარჩევ ციკლში ბრძოლისთვის ემზადება. პირველ მატჩს გუნდი 23 მარტს თბილისში შვეიცარიის ნაკრების წინააღმდეგ გამართავს.

ყველა ახალი ამბავი
0