ფეიქრიშვილი: ბოლო მონაცემებით, საწყობში დამწვარია 200-დან 250-მდე კვ. მეტრი ფართობი
„ამ დროისთვის მიმდინარეობს ცალკეული კერების დამუშავება, რათა გამოირიცხოს აალების საშიშროება. შეტყობინება 12-ის წუთებზე შემოვიდა ჩვენ სამსახურში. იქიდან გამომდინარე, რომ საწყობში, რომელიც იწვოდა, ინახებოდა სწრაფად აალებადი ნივთები, არსებობდა ცეცხლის გავრცელების დიდი საშიშროება. საწყობი, სადაც ხანძარი გაჩნდა, დაახლოებით 1 600 კვადრატული მეტრია. დამწვარია 200-დან 250-მდე კვადრატული მეტრი ფართობი. ადგილზე მობილიზებული იყო ჯამში 17 სახანძრო-სამაშველო ბრიგადა“, – აღნიშნა მიშა ფეიქრიშვილმა.
ფეიქრიშვილის ინფორმაციით, შემთხვევის შედეგად არავინ დაშავებულა.