თბილისი, 8 თებერვალი — Sputnik. საქართველოს ჩოგბურთის ქალთა ნაკრები ფედერაციის თასის მეორე მატჩში ხორვატიასთან ანგარიშით 1:2 დამარცხდა. შეჯიბრება ამ დღეებში ინგლისის ქალაქ ბათში მიმდინარეობს.
პირველ მატჩში მარიამ ბოლქვაძე (312-ე ადგილი WTA-ს რეიტინგში) ანა კონიუხს (547) დაუპირისპირდა და მიუხედავად WTA-ს რეიტინგში არსებითი უპირატესობისა, ორ პარტიაში დამარცხდა – 4:6, 3:6.
Wins for Serbia and Croatia in Europe/Africa Zone Group I
— Fed Cup (@FedCup) 7 февраля 2019 г.
Now the two nations go head-to-head to see who tops Pool B ➡️ https://t.co/fOQwy3L1qx #FedCup pic.twitter.com/lna2wBSeLx
ანგარიშის გათანაბრება ქართული გუნდის ლიდერმა ეკატერინე გორგოძემ (151) შეძლო. დაძაბულ სამსეტიან ორთაბრძოლაში მან იანა ფეტი (262) დაამარცხა ანგარიშით 4:6, 6:3, 7:5.
მატჩის გამარჯვებული წყვილების შეხვედრას უნდა გამოევლინა. ქართველები ფავორიტებად ითვლებოდნენ, რამდენადაც ოქსანა კალაშნიკოვა წყვილთა თანრიგში საუკეთესო ჩოგბურთელების ასეულში შედის. თუმცა, გორგოძის დაღლილობამ თავისი გაიტანა და საბოლოოდ კალაშნიკოვა/გორგოძის წყვილმა იურაკი/კონიუხის დუეტს ორ სეტში – 5:7, 1:6 დაუთმო.
ხორვატიასთან დამარცხება საქართველოს ნაკრებისთვის ტურნირზე მეორე წარუმატებლობაა. პირველ ტურში საქართველოს ნაკრები სერბეთთან 1:2 დამარცხდა.
ქართველი ჩოგბურთელები მომავალ მატჩს თურქეთის გუნდთან გამართავენ, რომელმაც, თავის მხრივ, ორივე ჩატარებული მატჩი წააგო.
