თბილისი, 3 თებერვალი - Sputnik. თბილისში, პეკინის გამზირისა და კოსტავას ქუჩის ნაწილი დაიტბორა, იუწყება საზოგადოებრივი მაუწყებლის პირველი არხი.
გავრცელებული ინფორმაციით, დატბორვის მიზეზი დოლიძის ქუჩაზე 300 მილიმეტრიანი მილის დაზიანება გახდა.
შემთხვევის შედეგად დაიტბორა დოლიძის ქუჩაზე მდებარე ერთ-ერთი მაღაზია და საცხოვრებელი ბინა.
პრობლემის აღმოსაფხვრელად ადგილზე „ჯორჯიან უოთერ ენდ ფაუერის“ სპეციალისტები მუშაობდნენ.
