კალაძე: მზად ვართ, ელექტრომობილების მფლობელებს დამტენები სახლთან უფასოდ დავუმონტაჟოთ

© photo : Tbilisi City Hall / FBკახა კალაძე
კახა კალაძე - Sputnik საქართველო
გამოწერა
თბილისის მერი კახა კალაძე დედაქალაქის ეკოლოგიური მდგომარეობის გაუმჯობესებასა და ელექტრომობილების მფლობელებისთვის დაწესებულ შეღავათებზე საუბრობს.
კალაძე: მზად ვართ, ელექტრომობილების მფლობელებს დამტენები სახლთან უფასოდ დავუმონტაჟოთ

„არსებული ეკოლოგიური მდგომარეობის გამოსწორება არის ერთ-ერთი უმნიშვნელოვანესი პრიორიტეტი. საკმაოდ კომპლექსურია ამასთან დაკავშირებული პრობლემები და მასშტაბური მიდგომა სჭირდება. ერთ-ერთი მიმართულება ისაა, რომ ხელს ვუწყობთ ქალაქში ელექტრომობილების შემოყვანას. როგორც იცით, მათი განბაჟება უფასოა. უფასო იქნება მათი პარკირებაც. ამასთან, გვაქვს კიდევ ერთი სიახლე: შეიქმნა სპეციალური ვებ-გვერდი chargers.tbilisi.gov.ge, რომელიც 11 თებერვლიდან ამოქმედდება“, – განაცხადა კახა კალაძემ.

თბილისის მერის თქმით, ნებისმიერ მსურველს, რომელსაც ელექტრომობილი ჰყავს, შეუძლია აღნიშნულ ვებ-გვერდზე დარეგისტრირდეს, მერიას მიაწოდოს ინფორმაცია თავისი საცხოვრებელი ადგილის შესახებ და მას ყოველგვარი ანაზღაურების გარეშე ელექტროდამტენებს სახლთან დაუმონტაჟებენ.

 

ყველა ახალი ამბავი
0