თბილისი, 6 იანვარი - Sputnik. დუშეთის მუნიციპალიტეტის დაბა ფასანაურთან ავტოსაგზაო შემთხვევის შედეგად სამი ავტომანქანა დაზიანდა, იუწყება „Sputnik-საქართველოს“ კორესპონდენტი ადგილიდან.
არსებული ინფორმაციით, ავტოსაგზაო შემთხვევა მოყინულმა გზებმა გამოიწვია. სავარაუდოდ, დაშავებულია რამდენიმე ადამიანი.
ადგილზე ამ წუთებში მობილიზებულები არიან სასწრაფო-სამედიცინო დახმარების ბრიგადები და საპატრულო პოლიციის ეკიპაჟები.