ლადო აფხაზავა: ერთ ორგანიზაციაში 16-ჯერ მივედი დახმარების სათხოვნელად
„მინდოდა, საჯარო სკოლებში ცვლილებები მომხდარიყო, მაგალითად, ჩემს მუნიციპალიტეტში და ეს ცვლილებები ჩემი სადამრიგებლო კლასიდან დავიწყე - 21 დღით წავიყვანე ბავშვები აბასთუმანში. იმ დროისათვის, 2000 წელს, ძალიან ცოტა ორგანიზაციას ჰქონდა ფინანსები. თითოეულ ორგანიზაციაში ყოველ დღე, სამ საათზე მივდიოდი თხოვნით, 500 ლარს თუ მოგვცემთ, ამ თანხით ჩვენ წავიყვანთ ათ ბავშვს“, - იხსენებს ლადო აფხაზავა.
როგორც მასწავლებელი იხსენებს, ერთ-ერთ ორგანიზაციასთან 16-ჯერ მივიდა თხოვნით, ბოლოს ამ ორგანიზაციიდან სამმაგი თანხა მიიღო და ათი ბავშვის ნაცვლად 60 ბავშვი წაიყვანა დასასვენებლად.
