თბილისი, 28 დეკემბერი — Sputnik. დღეიდან თბილისის ქუჩებში მოსახლეობას საახალწლო განწყობას სახანძრო-სამაშველო ჯგუფებიც შეუქმნიან, იუწყება საზოგადოებრივი მაუწყებლის პირველი არხი.
საახალწლო აქციის ფარგლებში, საგანგებო სიტუაციების მართვის სამსახურის თანამშრომლები მოსახლეობას დამდეგ ახალ წელს მიულოცავენ.
საახალწლო აქცია დღეს, 18:30 წუთზე დაიწყება. საზეიმოდ მორთული ორი სახანძრო -სამაშველო ჯგუფი დედაქალაქის ქუჩებსა და საახალწლო სოფლებს შემოივლის.
სახანძრო – სამაშველო მანქანები თბილისის ქუჩებში 3 დღის განმავლობაში იმოძრავებენ.
სახანძრო მანქანები საბოლოოდ პირველი რესპუბლიკის მოედანზე, საახალწლო სოფელში გაჩერდებიან, სადაც მათი დათვალიერება და ფოტოების გადაღება იქნება შესაძლებელი.
