მართვის მოწმობაზე ქულები წელს 90 მძღოლს გაუნულდა

© Sputnik / Alexander Imedashviliსაცობი თბილისის ქუჩაში
საცობი თბილისის ქუჩაში - Sputnik საქართველო
გამოწერა
ქულათა გამოკლების სისტემა მხოლოდ პატრულის მიერ პირისპირ დაჯარიმების შემთხვევაში მოქმედებს.

თბილისი, 19 დეკემბერი - Sputnik. მართვის მოწმობაზე დარიცხული 100 ქულა, მიმდინარე წლის 11 თვის მონაცემებით, 90 მძღოლს ამოეწურა და მართვის უფლება შეუჩერდა, იუწყება ტელეკომპანია Imedi.

ნაავარიევი მანქანა - Sputnik საქართველო
სად ხდება თბილისში ყველაზე მეტი ავარია

არსებული ინფორმაციით, მართვის მოწმობას ამ მომენტისთვის ქვეყანაში 1 მილიონზე მეტი პირი ფლობს. მათგან დარიცხული ქულებიდან არც ერთი არ ჩამოკლებია მძღოლების დაახლოებით 81%-ს.

საქართველოში 2017 წლის 1 ივლისიდან ე.წ. ქულების სისტემა მოქმედებს, რომლის თანახმად, ყველა მძღოლს მართვის მოწმობაზე 100 ქულა ერიცხება, რომელიც ჩადენილი სამართალდარღვევების შესაბამისად მცირდება. ლიმიტის ამოწურვის შემდეგ მძღოლს მართვის უფლება ჩამოერთმევა. მის დასაბრუნებლად მძღოლს შეუძლია ხელახლა ჩააბაროს მართვის უფლების მისაღები გამოცდა, რისი შანსიც ერთი წლის განმავლობაში მხოლოდ ერთხელ მიეცემა, ან მომდევნო წელს დაელოდოს, როდესაც 100 ქულა ხელახლა დაერიცხება.

აღსანიშნავია, რომ ქულათა გამოკლების სისტემა მხოლოდ პატრულის მიერ პირისპირ დაჯარიმების შემთხვევაში მოქმედებს.

გასულ წელს 100-ქულიანი სისტემის ამოწურვის შემდეგ მართვის უფლება 22 ადამიანს ჩამოერთვა.

 

ყველა ახალი ამბავი
0