თბილისი, 13 დეკემბერი - Sputnik. კომპანია „თბილისის მიკროავტობუსმა“ უარყო ხმები მგზავრობის შესაძლო გაძვირებასთან დაკავშირებით, ნათქვამია ტელეარხ Imedi-ს მიერ გავრცელებულ კომპანიის განცხადებაში.
ზოგიერთმა ქართულმა მედია-საშუალებამ და სოციალური ქსელების მომხმარებელმა გაავრცელა ინფორმაცია ტარიფების შესაძლო გაძვირების შესახებ.
„კომპანია „თბილისის მიკროავტობუსი“ სრული პასუხისმგებლობით აცხადებს, რომ მგზავრობის ტარიფის ცვლილება ან მომატება არ განიხილება. უმორჩილესად ვთხოვთ კონკრეტული პოლიტიკური პარტიების წევრებს, ნუ ავრცელებენ არასწორ ინფორმაციას, რითაც შეცდომაში შეჰყავთ მომხმარებელი და ზიანი ადგება კერძო კომპანიას“, – ნათქვამია კომპანია „თბილისის მიკროავტობუსის“ სპეციალური განცხადებაში.
სამარშრუტო ტაქსით მგზავრობა 0,8 ლარს შეადგენს. სამგზავრო ბარათით გადახდის შემთხვევაში ყოველი მომდევნო მგზავრობა 0,65 ლარი ჯდება. თბილისის მასშტაბით მგზავრების გადაყვანას 2011 წლიდან კერძო კომპანია „თბილისის მიკროავტობუსი“ უზრუნველყოფს.
