თბილისი, 9 დეკემბერი - Sputnik. აბაშის მუნიციპალიტეტში სამსახურეობრივი მოვალეობის შესრულებისას, საპატრულო პოლიციის ორი თანამშრომელი ცივი იარაღით დაჭრეს, იუწყება ტელეკომპანია Rustavi2.
შემთხვევა სოფელ გეზათში მოხდა.
სამართალდამცველებმა არაფხიზელ მდგომარეობაში მყოფი პირი შენიშნეს და გადამოწმების მიზნით მასთან მივიდნენ. რა დროსაც მოქალაქე გოჩა ცხვედიანმა სამართალდამცავებს სიტყვიერი შეურაცხყოფა მიაყენა. პოლიციელები მის გადაყვანას შეეცადნენ, თუმცა მან საპატრულო პოლიციის თანამშრომელს შალვა მიმინოშვილს დანით მუცლის არეში ჭრილობები მიაყენა, მისი მეწყვილე ბაკურ ჭკადუა კი ხელის არეში დაჭრა.
შალვა მიმინოშვილი ქუთაისის კლინიკაში გადაიყვანეს. მას გადაუდებელი ოპერაცია ჩაუტარდა. თავდამსხმელი გოჩა ცხვედიანი შემთხვევის ადგილიდან მიიმალა. მას ამ დრომდე ეძებენ.
გამოძება დაწყებულია სსკ-ის 117-ე მუხლით, რაც ჯანმრთელობის განზრახ მძიმე დაზიანებას გულისხმობს და ითვალისწინებს 3-დან 6 წლამდე ვადით პატიმრობას.
