თბილისი, 4 დეკემბერი — Sputnik. მიმდინარე წლის ნოემბერში საქართველო მოინახულა 598,3 ათასზე მეტმა უცხოელმა, რაც 6,4%-ით მეტია, ვიდრე გასული წლის ნოემბერში, განაცხადა ტურიზმის ეროვნული ადმინისტრაციის უფროსმა გიორგი ჩოგოვაძემ.
რაც შეეხება ტურისტული ვიზიტების რაოდენობას, ნოემბერში ის 307,2 ათასს გაუტოლდა (ზრდა +14%).
ქვეყნების პირველი ხუთეული 2018 წლის ნოემბერში საქართველოში განხორციელებული საერთაშორისო ვიზიტების მიხედვით:
| ქვეყანა | ვიზიტების რაოდენობა | ცვლილება წელიწადში - % |
| აზერბაიჯანი | 106 105 | 5,4 |
| სომხეთი | 98 831 | 1,3 |
| რუსეთი | 92 055 | 25,2 |
| თურქეთი | 65 237 | 17,4 |
| ირანი | 16 541 | 18,2 |
ოქტომბერში ქვეყანაში ქართული დიასპორის 38 ათასი წარმომადგენელი ჩამოვიდა, რაც 2,4%-ით მეტია, ვიდრე 2017 წლის ოქტომბერში.
ყველაზე მეტი უცხოელი საქართველოში სახმელეთო და საჰაერო ტრანსპორტით ჩამოდის.
ტრანსპორტის სახეობები, რომლითაც უცხოელები საქართველოში ჩამოდიან:
| ტრანსპორტის სახეობები | ვიზიტების რაოდენობა | ცვლილება წელიდაში - % | წილი ვიზიტების რიცხვიდან - % |
| სახმელეთო | 363 158 | - 0,6 | 74,8 |
| საჰაერო | 116 256 | 31,2 | 24,0 |
| რკინიგზა | 3 182 | 40,9 | 0,7 |
| საზღვაო | 2 447 | 11,3 | 0,6 |
სასაზღვრო პუნქტებს შორის, რომლებსაც უცხოელი ვიზიტორები კვეთენ, ლიდერობენ სარფის, თბილისის აეროპორტის და ყაზბეგის საკონტროლო-გამშვები პუნქტები.
საკონტროლო გამშვები პუნქტები საქართველოს საზღვრებზე - პირველი ხუთეული:
| საკონტროლო-გამშვები პუნქტი | ვიზიტების რაოდენობა | ცვლილება წელიწადში - % | წილი ვიზიტების რიცხვიდან - % |
| თბილისის აეროპორტი | 96 616 | 25,8 | 19,9 |
| წითელი ხიდი | 93 222 | 11,4 | 19,2 |
| სადახლო | 82 934 | 6,3 | 17,1 |
| სარფი | 72 220 | - 1,4 | 14,9 |
| ყაზბეგი | 67 932 | - 1,1 | 14,0 |
ტურიზმის სფერო საქართველოში აქტიურად ვითარდება, რაც სტატისტიკურ მონაცემებში აისახება. ყოველწლიურად ქვეყანაში იხსნება ახალი სასტუმროები, კვების ობიექტებში ტარდება ხარისხის შემოწმებები, მომსახურე პერსონალის და გიდების გადამზადება მიმდინარეობს.
