თბილისი, 4 დეკემბერი — Sputnik. საქართველო-რუსეთის საზღვრის მიმართულებით ტრანსპორტის მოძრაობა დღის განმავლობაში 5 და 6 დეკემბერს აიკრძალება, ნათქვამია საქართველოს რეგიონული განვითარების სამინისტროს საავტომობილო გზების დეპარტამენტის ვებგვერდზე განთავსებულ განცხადებაში.
აკრძალვა უკავშირდება მდინარე ბიდარაზე მოწყობილ დროებით ხიდზე გადაუდებელი სარეაბილიტაციო სამუშაოების ჩატარებას. ხიდი მცხეთა-სტეფანწმინდა-ლარსის ავტომაგისტრალის კობი-გუდაურის მონაკვეთზე მდებარეობს.
შეზღუდვები ტრანსპორტის მოძრაობისთვის 12:00 სთ-დან 16:00 სთ-მდე ოთხშაბათსა და ხუთშაბათს იმოქმედებს.
„აღნიშნული რეჟიმით მოძრაობა საპატრულო პოლიციის უშუალო ზედამხედველობით და კოორდინაციით განხორციელდება“, - აღნიშნულია განცხადებაში.
მცხეთა-სტეფანწმინდა-ლარსის ტრასა ერთადერთი სახმელეთო გზაა, რომელიც დღეისათვის საქართველოსა და სომხეთსა რუსეთთან აკავშირებს.
