თბილისი, 2 დეკემბერი - Sputnik. მეწყრული პროცესების გააქტიურების გამო რაჭაში, შიდასახელმწიფოებრივი მნიშვნელობის გზაზე შეზღუდვებია დაწესებული, ნათქვამია საავტომობილო გზების დეპარტამენტის მიერ გავრცელებულ განცხადებაში.
დეპარტამენტის ცნობით, შიდასახელმწიფოებრივი მნიშვნელობის საგლოლო-ჭიორა-ღების საავტომობილო გზის 10-11-ე კმ მონაკვეთზე მეწყრული პროცესების გააქტიურების გამო აკრძალულია ყველა სახის ავტოტრანსპორტის მოძრაობა.
გზის დანარჩენ მონაკვეთებზე ავტოტრანსპორტის მოძრაობა თავისუფალია.
აღსანიშნავია, რომ გუშინ მეწყრული პროცესების გააქტიურების გამო, აღნიშნული საავტომობილო გზის 1-4-ე კმ მონაკვეთზეც იყო აკრძალული ყველა სახის ავტოტრანსპორტის მოძრაობა.
