თბილისი, 2 დეკემბერი - Sputnik. თბილისში, მარჯანიშვილის ქუჩაზე მდებარე „ჯეოსელის“ ოფისი გაქურდეს, იუწყება ტელეკომპანია Rustavi2.
არსებული ინფორმაციით, შემთხვევა „ჯეოსელის“ ერთ-ერთ ფილიალში გამთენიისას მოხდა. დამნაშავეებმა შენობაში შესვლა ცენტრალური კარიდან მოახერხეს. წაღებულია მობილური ტელეფონები. ზარალის ზუსტი ოდენობა ჯერჯერობით ცნობილი არ არის.
ადგილზე ექსპერტ-კრიმინალისტები მუშაობდნენ. საქმეზე მიმდინარეობს გამოძიება და აღძრულია სისხლის სამართლის საქმე.
