თეთრიწყაროში ყაჩაღური თავდასხმა იგეგმებოდა

© Sputnik / Alexander Imedashviliსაპატრულო პოლიცია
საპატრულო პოლიცია - Sputnik საქართველო
გამოწერა
ბრალდებულები წარსულში მძიმე დანაშაულებისთვის ნასამართლევი პირები არიან

თბილისი, 2 დეკემბერი - Sputnik. სამართალდამცველებმა ჯგუფური ყაჩაღობის მომზადების ბრალდებით ხუთი პირი დააკავეს, ნათქვამია საქართველოს შინაგან საქმეთა სამინისტროს პრეს-სამსახურის მიერ გავრცელებულ განცხადებაში.

ხანდაზმული ქალის ხელები - Sputnik საქართველო
რუსთავში ახალგაზრდა მამაკაცმა დედას სცემა

უწყების ცნობით, ბრალდებულები თეთრიწყაროს რაიონის სოფელ ნავთიანში მცხოვრები მოქალაქის სახლზე ყაჩაღურ თავდასხმას გეგმავდნენ. ხუთივე მათგანი სამართალდამცველებმა იმ დროს დააკავეს, როდესაც ისინი თავდასხმის განსახორციელებლად თეთრიწყაროს რაიონში კოდა-წალკა-ნინოწმინდის საავტომობილო გზაზე ავტომობილით გადაადგილდებოდნენ.

„პოლიციამ აღნიშნული ავტომობილიდან ყაჩაღური თავდასხმისთვის წინასწარ გამზადებული ნივთები: წებოვანი ლენტი, პლასტმასის ე.წ. „ხამუთები", 4 დანა, 3 ნიღბად გადაკეთებული შავი ფერის ქუდი, ნაჭრის ხელთათმანები და სახლის მეპატრონის კუთვნილი ძაღლის მოწამვლის მიზნით მომზადებული, სავარაუდოდ, მოწამლული ხორცის ნაჭრები ამოიღეს“, - აღნიშნულია განცხადებაში.

უწყების ინფორმაციით, ბრალდებულები წარსულში მძიმე დანაშაულებისთვის ნასამართლევი პირები არიან, მათი ასაკი 25-დან 38 წლამდე მერყეობს.

საქმეზე გამოძიება ჯგუფურად, ბინაში უკანონო შეღწევით ყაჩაღობის მომზადების ფაქტზე, საქართველოს სსკ-ის 18-179-ე მუხლის მე-2 ნაწილის და მე-3 ნაწილის „ბ“ ქვეპუნქტებით მიმდინარეობს. ჩადენილი დანაშაული 8-დან 12 წლამდე ვადით თავისუფლების აღკვეთას ითვალისწინებს.

ყველა ახალი ამბავი
0