თბილისი, 1 დეკემბერი - Sputnik. საქართველოს პრეზიდენტმა გიორგი მარგველაშვილმა სამძიმარი გამოუცხადა აშშ-ის 41-ე პრეზიდენტ ჯორჯ ბუშ უფროსის ოჯახს, რომელიც შაბათ ღამით გარდაიცვალა.
„მთელი გულით ვუსამძიმრებ ჯორჯ ბუშ უფროსის მთელ ოჯახსა და ამერიკელ ერს, რომელმაც დაკარგა შესანიშნავი ლიდერი და დიდი პატრიოტი, რომელიც თავის ერს პატრიოტიზმითა და ღირსებით ემსახურა“, - ნათქვამია მარგველაშვილის Twitter-ის განცხადებაში.
My heartfelt condolences to the entire family of George H.W. Bush and American nation that have lost remarkable leader and great patriot who served his nation with patriotism and decency.
— President Of Georgia (@MargvelashviliG) December 1, 2018
ჯორჯ ჰერბერტ უოკერ ბუში აშშ-ის პრეზიდენტი 1989–1993 წლებში იყო.
პრეზიდენტობამდე, 1967-1971 წლებში ბუში იყო კონგრესმენი, 1976-1977 წლებში - ცენტრალური დაზვერვის დირექტორი, ხოლო 1981—1989 წლებში - ვიცე-პრეზიდენტი (რონალდ რეიგანის პრეზიდენტობის დროს).